لە چیای دینۆ لە کوێستانەکانی سنووری حاجی ئۆمەران، هاووڵاتییەکی 53 ساڵ، کە بۆ مەبەستی کۆکردنەوەی گیای بەهارە چۆتە ئەو ناوچەیە، کەوتە ڕووبار و گیانی لەدەستدا.
ئەحمەد نەجات، بەرپرسی بنکەی بەرگری شارستانی چۆمان بە کوردستان تیڤی ڕاگەیاند: هاووڵاتییەکە ناوی (ئەنوەر فقێ مستەفایە) و تەمەنی 53 ساڵە و پێشمەرگەی خانەنشینە و دانیشتووی شاری سلێمانییە، ئەمڕۆ چوارشەممە بۆ مەبەستی کۆکردنەوەی گیای بەهارە سەردانی کوێستانەکانی گوندی گوندەژۆریان لە سنووری حاجی ئۆمەران کردوە، بەڵام بەهۆی هەڵدێران و کەوتنە ناو ڕووبار گیانی لەدەستداوە.
گووتیشی: تیمەکانی بنکەی بەرگری شارستانی چۆمان و حاجی ئۆمەران و پۆلیسی چالاکییە مەدەنییەکان و تیمی تەندروستی دوای ئاگادارکردنەوەیان گەیشتە شوێنی ڕووداوەکە و تەرمەکەیان گەیاندە نەخۆشخانەی چۆمان و ڕەوانەی پزیشکی دادی سۆران کرا.
پ: كهریم سمكۆ
کۆمێنت (0)
تا ئێستا هیچ کۆمێنتێک نەکراوە.