ئیساک توتوملو لوپێز شوفێرێ ترومبێلا (Audi R8LMS GT3) قارهمانێ ناڤدار دهاژوتنا ترومبێلێن بلهز یێن بهریکانێ و غاردانێ دهاژوتنا ترومبێلان ل باژێرێ نورێنبێرگ ل ئهلمانیا بو سهرکهفتیێ ئێکێ ب ئالایێ کوردستانێ خهلاتێ ڤێ قارهمانیێ وهرگرت.
ئیساک شوفێرێ ناڤدار بهشداری دههان قارهمانیا دا کریه ل چهندین وهلاتێن جدا یێن جیهانێ دامهزرێنهرێ تیمێ کوردستانه ل ئیسپانیا بهریا چهند سالان ڤێ تیمێ ناڤهکێ دی ههبو ئهوژی تیمێ بارزانی بو ترومبێلێن وی بناڤێ بارزانی و ئالایێ کوردستانێ خهملاندی و نڤێسی بون دهمێ غاردانێ.
ئیساک ژبابهکێ کورده و دهیکهکا بهرشهلونی ل ههمی یاریان ئهو شانازیێ بکورد بونا خوه دکهت ئالایێ کوردستانێ دقارهمانیان دا بلند دکهت وی ناڤهکێ ناڤدار ههیه شارهزایی و لێهاتیا وی دوارێ هاژوتنێ دا بویه سهرهنجا تیمێن دی لهوما بهردهوام دهێت داخوازکرن بو بهشداریا ڤیستهڤال و قارهمانیێن هاژوتن و بهریکانێن ترومبێلن وهرزشی یێن جوراو جور ل سهر ئاستێ ئهوروپا چهندین جورێن ترومبێلێن وهرزشی یێن بناڤ و دهنگ دهاژوت ئهو نوکه شوفێرێ ترومبێلا (Audi R8LMS GTC).
خالید عهلی - ئهلمانیا
کۆمێنت (0)
تا ئێستا هیچ کۆمێنتێک نەکراوە.