سکاڵای هاووڵاتییان سه‌باره‌ت به‌وه‌رگرتنى پاره‌ى ئاو به‌شێوه‌ى هه‌ڕه‌مه‌کی گه‌یه‌ندرایه‌ پارێزگای هه‌ولێر

 راگه‌یاندنى په‌رله‌مانى كوردستان بڵاوی كرده‌وه‌ كه‌ به‌مه‌به‌ستی به‌دواداچوون و گه‌یاندنی سكاڵای هاووڵاتییانی شارى هه‌ولێر سه‌باره‌ت به‌وه‌رگرتن و هه‌ژماركردنی پاره‌ى ئاو به‌شێوه‌یه‌كی هه‌ره‌مه‌كی،  شاندێكی لیژنه‌ی ده‌سپاكی و كاروبارى په‌رله‌مان و سكاڵا له‌ په‌رله‌مانی كوردستان، له‌سه‌ردانیان بۆ پارێزگای هه‌ولێر سه‌رجه‌مى ئه‌و سكاڵایانه‌ی كه‌ له‌لایه‌ن هاووڵاتییانه‌وه‌ ئاراسته‌ی لیژنه‌كه‌ كرابوون سه‌باره‌ت به‌دانانی پێوه‌رى ئاو بۆ ماڵان و وه‌رگرتن و هه‌ژماركردنی پاره‌ی ئاو به‌شێوه‌یه‌كی هه‌ره‌مه‌كی، خسته‌ به‌رده‌م پارێزگارى هه‌ولێر

راشیده‌گه‌یه‌نن  دوای گفتوگۆكردنیان هه‌ردوولا به‌پێویستییان زانی كه‌ له‌گه‌ڵ وه‌زاره‌تی شاره‌وانی و به‌ڕێوه‌به‌رایه‌تیی گشتیی ئاوى هه‌رێم كۆببنه‌وه‌ به‌وپێیه‌ی كه‌ دوو لایه‌نی په‌یوه‌ندیدارن به‌ پرسه‌كه‌ و په‌یوه‌ندیى راسته‌وخۆیان له‌گه‌ڵ ئه‌و كۆمپانیایه‌ هه‌یه‌ كه‌ ئه‌و پێوه‌رانه‌ی بۆ ماڵه‌كان داناوه‌.

دارشتنه‌وه‌ى هه‌واڵ - شوان عه‌زیز