شاندێكی ئەمەریكا بە سەرۆكایەتیی ستیڤن فەیگن، كۆنسووڵی گشتیی ئەمەریكا لە هەرێمی كوردستان، سەردانی مەزاری نەمرانیان لە بارزان كرد و کونسوڵی گشتیی ئەمریکا لە هەرێم رایگەیاند، پەیوەندییەکانی نێوان هەولێر و بەغدا بەرەوپێشچوونی باشی بەخۆیەوە بینیوە.
ئەمڕۆ دووشەممە 15-7-2019 شاندێكی ئەمریكا بە سەرۆكایەتی ستیڤ فەیگن، کونسوڵی گشتی ئەمریکا لە هەرێمی کوردستان سەردانی مەزاری نەمرانیان لە بارزان كرد و لهلایهن خهڵات بارزانی نوێنهری سهرۆك بارزانی پێشوازی لێكرا. دواتر لە لێدوانێکی رۆژنامەڤانیدا ئامانجی سەردانەکەی ئاشکرا کرد و رایگەیاند: خۆشحاڵم ئەمڕۆ لێرەم بۆ ئەوەی رێزی خۆم بۆ مەلا مستەفا و کەسوکاری بارزانییەکان و گەلی کورد پیشان بدەم و زیاتر لەو تراژیدیایە تێبگەم کە رووبەڕووی کەسوکاری بارزانییەکان و گەلی کوردستان بە گشتی بووەتەوە لەژێر دەستی دیکتاتۆری پێشووی عێراق.
ستیڤن فەیگن، رایگەیاند: ئەم سەردانەم بۆ سەر مەزاری نەمران لە بارزان، بۆ ئەو مەبەستە بووە كە لە نزیكەوە ببینم كە بنەماڵەی بارزانی و گەلی كورد، بە گشتی و بارزانییەكان بە تایبەتی، رووبەڕووی چ ستەم و تراژیدیایەك لەلایەن رژێمی پێشووی عێراقەوە بوونەتەوە.
سەبارەت بە پەیوەندییەكانی نێوان هەولێر و بەغداش، كۆنسووڵی گشتیی ئەمەریكا گوتی: پەیوەندییەكان پێشەوەچوونی باشیان بەخۆوە بینیوە و هیواخوازیشین لە ئایندەیەكی نزیكدا هەولێر و بەغدا سەرجەم كێشەكانی نێوانیان چارە بكەن.
لای خۆشیهوه سیروان بارزانی یاوهری شاندی كۆنسووڵی گشتیی ئەمەریكا له ههرێم گوتی: ئامانجی سهردانهكهشی وهكو خۆی باسی كردو ئهو نههامهتیه بهسهر گهلی كورد هاتووه و ئهنفال، حهزی كرد له نزیكهوه ئاشنا بێت.
کۆمێنت (0)
تا ئێستا هیچ کۆمێنتێک نەکراوە.