مەكتەبی سیاسی پارتی دیموكراتی كوردستان له پهیامێكدا دهیەمین ساڵیادی دامەزراندنی بزووتنەوەی گۆڕان پیرۆز دهكات و ئهمهش دهقهكهیهتی:
بەڕێزان، رێكخەری گشتی و ئەندامانی جڤاتی گشتی و نیشتیمانی لە بزووتنەوەی گۆڕان، بەبۆنەی دەیەمین ساڵیادی دامەزراندنی بزووتنەوە تێكۆشەرەكەتان گەرمترین پیرۆزبایی لە ئێوە و ئەندام و لایەنگرانتان دەكەین، هیوادارین هەر بەردەوام و سەركەوتوو بن لە خەبات و تێكۆشانتان بۆ سەرخستنی دۆزی گەلەكەمان و بەدیهێنانی گشت مافە رەواكانی. رۆڵی بزووتنەوەكەتان و بەرنامە و هەوڵ و كاروچالاكییەكانی بۆ بەهێزكردنی قەوارەی سیاسی هەرێمی کوردستان و دامودەزگا شەرعیەكانی و بنەماكانی ئازادی و دیموكراسی لە پێناو دوارۆِژێكی گەشتر مایەی خۆشحاڵی و ئاماژەی دڵسۆزیتانە بۆ بەدیهاتنی مافە هاوبەشەكانمان.
ئێمە كاتێك ئەو یادە دەكەینەوە، هاوكات رەوشی گرنگ و هەستیاری ئەمڕۆی هەرێم و ناوچەكە وا پێویست دەكات زیاتر سووربین لەسەر هاوخەباتی و یەكڕیزیی و تەبایی بۆ پاراستنی دەستكەوتەكان و رەوشی ئارام و سەقامگیریی هەرێمی كوردستان و بەدیهێنانی ئامانجە درێژخایەنە نیشتیمانی و نەتەوەییەكانمان.
هیوادارین بە هەموو لایەك هەوڵ بدەین بناغەی ئەو هاوپەیمانییەتی و هەماهەنگییەی نێوانمان زیاتر پتەوتر و بەهێزتر بكەین لەپێناو بەرژەوەندی گشتیی گەلەكەمان و تەختكردنی كۆسپ و تەگەرەکان و چارەسەرکردنی گیروگرفت و كێشەكان و دابینكردنی ئایندەیەكی رۆشنتر و گەشتر بۆ گەلەكەمان.
جارێكی دیكە پیرۆزباییتان لێدەكەین و هەر سەرفرازو سەركەوتوو بن.
مەكتەبی سیاسی پارتی دیموكراتی كوردستان
25ـی 7ـی 2019
کۆمێنت (0)
تا ئێستا هیچ کۆمێنتێک نەکراوە.