سەرۆك بارزانی بەبۆنەی جەژنی چلێ هاڤینێی ئێزیدی، پهیامێكی پیرۆزبایی ئاراستەی پیاوانی ئایینی ئێزیدی و خوشك و برا ئێزیدییەكانی كوردستان و سەرتاسەری جیهان دەكات، ئهمه دهقهكهیهتی:
بەناوی خودای بەخشندە و میهرەبان
بەبۆنەوەی هاتنەوەی جەژنی چلێ هاڤێنێی ئایینی ئێزیدی گەرمترین پیرۆزبایی خۆم ئاراستەی پیاوانی ئایینی ئێزیدی و خوشك و برا ئێزیدییەكانی كوردستان و سەرتاسەری جیهان دەكەم.
لەم بۆنەیەدا جەخت لە پشتیوانیی تەواوی خۆمان بۆ داواکاری خوشک و برا ئێزیدییەکانمان دەکەینەوە و ئومێدی سارێژبوونی برینەکانیان و کۆتایهاتن بە ئێش و ئازارەکانیان دەخوازین.
هیوادارم ئەو جەژنە ببێتە دەستپێكێك بۆ گەڕانەوەی خوشك و برا ئێزیدییەكانمان بۆ ژیانی ئاسایی و بتوانن لە كەشێكی ئارام و ئاشتیانەدا جەژن و شادییەكانیان بكەنەوە.
مسعود بارزانی
30.07.2019
کۆمێنت (0)
تا ئێستا هیچ کۆمێنتێک نەکراوە.