پۆلیسی سۆران: له‌ ئه‌نجامی شه‌ڕی نێوان دوو دراوسی هاووڵاتیه‌ک کوژرا

پۆلیسی سۆران رایگەیاند: لەسەر کێشەی زەوی و زار شەڕ له‌ نێوان دوو دراوسێ روویدا، هاوڵاتییەکی تەمەن 75 ساڵ بە خاکەناز و تەور کوژرا.

موقەدەم شەماڵ بێواری وتەبێژی پۆلیسی شارۆچکەی سۆران راگەیاند: پێشنیوەڕۆی ئەمڕۆ پێنج‌ شەممە 1ی ئابی 2019 کاتژمێر 11:00 لەگەڕەكی بەختیاری له‌ سۆران شەڕ لەنێوان دوو دراوسێ روویدا لەسەر کێشەی زەوی و زار هاوڵاتییەک بە خاکەنازو تەور کوژراوە.

وتەبێژی پۆلیسی ده‌ڵێت: لەشەڕەكەدا هیچ جۆرە چەكێک بەكارنەهێنراوە، كه‌سێك به‌ قازمه كوژراوه‌ به‌ ناوی. ( ا  ا ف ) له‌ دایك بووی ساڵی 1944 پیشه‌. ب م خانه‌نشین گیانی لەدەستداوە و چەند كەسێكی دیكەش برینداربوو.

وتەبێژی پۆلیسی سۆران باسی لەوەشکرد  تەرمی ئەو کەسەی کوژراوە براوەتە پزیشکی دادوەری و لێکۆڵینەوەش لەرووداوەکە بەردەوامە.

پۆلیسی ده‌ڵێت له‌ ئێستادا ره‌وشه‌كه‌، لەلایەن هێزە ئەمنییەکانەوە کۆنترۆڵکراوە.