دواى ئهوهى رۆژی پێنجشەممە 19-9-2019، عادل عەبدولمەهدی، سەرۆک وەزیرانی عێراق بە سەرۆکایەتیی شاندێکی باڵای عێراق و هەرێمی کوردستان، گەیشتبوونە چین، ئهمرۆش گهرانهوه عێراق.
لە دوا رۆژی سەردانەکەیدا، عادل عەبدولمەهدی هەشت گرێبەست و رێککەوتنی لێک تێگەیشتنی لە بوارەکانی دارایی، بازرگانی، ئەمنی، ئاوەدانکردنەوە، پەیوەندییەکان، رۆشنبیری، پەروەردە و پەیوەندییە دەرەکییەکان لەگەڵ بەرپرسانی باڵای چین واژۆ کرد.
بەپێی راگەیەندراوێکی نووسینگەی راگەیاندنی عەبدولمەهدی، شاندە باڵاکەی عێراق و هەرێمی کوردستان بەرەبەیانی ئەمڕۆ سێشەممە 24-9-2019، گەڕاوەتەوە و گەیشتووەتە فڕۆکەخانەی نێودەوڵەتیی بەغدا.
سەرلە ئێوارەى ئەمرۆ دووشەممە، نوسینگەى عادل عەبدولمەهدى سەرۆک وەزیرانى عێراق رایگەیاند؛ ئەمڕۆ هەشت رێککەوتن و یاداشتى لێکتێگەیشتن لەنێوان حکومەتى عێراق و چین واژۆ کراوە.
شاندی حكوومەتی عێراق بە سەرۆكایەتی عادل عەبدولمەھدی، سەرۆك وەزیرانی عێراق و فواد حوسێن وەزیری دارایی و چەندین بەرپرسی دیكەی عێراق و ھەرێمی كوردستان، چەند گرێبەستێكی بازرگانییان لەگەڵ حكوومەتی چین و كۆمپانیاكانی ئەو وڵاتە واژووكرد، بڕیاریشە چین لە بواری ژێرخانی بنەڕەتی پاڵپشتیكردنی ئابووری عێراق بكات.
بەپێی بەیاننامەیەك، كە لەلایەن نوسینگەی ڕۆژنامەوانی عەبدولمەهدییەوە بڵاوكراوەتەوە، سەرۆك وەزیران و شاندی هاوڕێی بەشدارییان لە كۆڕبەندی هەماهەنگی ئابوری عیراقی چینی كردووە و چاویان بە سەرۆك كۆماری چینی میللی كەوتووە.
بەپێی بەیاننامەكە، لە سەردانەكەی سەرۆكی حكومەتی عیراق بۆ چین، 8 ڕێككەوتن و یاداشتی لێگەیشتن واژۆكران، وێڕای واژۆكردنی گرێبەستە ڕاستەوخۆكان لەلایەن پارێزگارەكانەوە.
کۆمێنت (0)
تا ئێستا هیچ کۆمێنتێک نەکراوە.