وەزیری ناوخۆی حكوومەتی هەرێمی كوردستان و مێجەر جەنەڕال جیرالد ستریكلاند، ڕەوشی ئەمنیی ناوچە كوردستانییەكانی دەرەوەی هەرێمیان تاوتوێ كرد، بەتایبەتیش جموجۆڵی تیرۆریستانی داعش بە سوودوەرگرتن لەو بۆشاییە ئەمنییەی لەم ناوچانەدا دوای ڕووداوەكانی 16ی ئۆكتۆبەر دروست بوون.
مێجەر جەنەڕال جیرالد ستریكلاند، جێگری فەرماندەی ئۆپەڕاسیۆنی هاوبەشی هێزەكانی هاوپەیمانان لە عێراق و سووریا، هەماهەنگیی سەربازی و ئەمنیی نێوان هێزەكانی پێشمەرگە و هێزی هاوپەیمانان و سوپای عێراقی بۆ سەقامگیری بە گرنگ و پێویست لەقەڵەم دا و بۆ لەناوبردنی هەڕەشەی تیرۆریستانی داعش لەم ناوچانەدا ئامادەییی هێزەكانی هاوپەیمانانی بۆ بەردەوامیی هاوكاریكردنی هێزی پێشمەرگە خستە ڕوو.
لە بەرانبەریشدا بەڕێز وەزیری ناوخۆ سوپاسی هێزەكانی هاوپەیمانانی كرد بۆ هاوكاریكردنی هەرێمی كوردستان لە شەڕی تیرۆریستانی داعشدا و مەشقی پێشمەرگە و خوازیار بوو ئەم هاوكاری و پەیوەندییانە بەردەوام بن و زیاتریش پەرە بستێنن و كێشەكانی نێوان هەولێر و بەغدا لە ڕێی دەستوورەوە چارەسەر بكرێن.
کۆمێنت (0)
تا ئێستا هیچ کۆمێنتێک نەکراوە.