وەزارەتی بەرگری عێراق وەڵامی باڵیۆزی ئێرانی دایەوە و رایگەیاند، رێگە نادەن وڵاتەكەی ببێتە گۆڕەپانی یەكلاكردنەوەی ململانێكانی تاران و واشنتۆن.
تەحسین خەفاجی وتەبێژی وەزارەتی بەرگری عێراق رایگەیاند، خاكی وڵاتەكەمان نابێتە گۆڕەپانی یەكلاكردنەوەی كێشەكانی ئەمریكا و ئێران.
وتیشی، سەروەری وڵات هێڵی سورە و ناهێڵین هێرش بكرێتە سەر بەرژەوەندیەكانی ئەمریكا لە عێراق. ئەمەش دوای ئەوە هات كە ئیرەج مەسجدی باڵیۆزی ئێران لە بەغدا رایگەیاندبوو، ئەگەر ئەمریكا هێرش بكاتە سەر وڵاتەكەی، ئهوانیش لە عێراق دەست لە ئەمریكییەكان ناپارێزن.
کۆمێنت (0)
تا ئێستا هیچ کۆمێنتێک نەکراوە.