فەرمانێکی کارگێڕی بۆ داینگەکان دەرچوو

 له‌راگه‌یاندراوێكدا به‌رێوه‌به‌رایه‌تى گشتى چاودێری و گه‌شه‌پێدانى كۆمه‌ڵایه‌تى هه‌ولێر بڵاوی كرده‌وه‌ كه‌ ئه‌مرۆ پێنجشه‌ممه‌ 3 ى 10 ى 2019 ، یوسف چاوشین بەڕێوەبەری گشتی چاودێری و گەشەپێدانی كۆمەڵایەتی هەولێر فەرمانی كارگێری ژمارە (689) بۆ داینگەكانی سنووری هەولێر دەركرد 

راشیده‌گه‌یه‌نن بریاره‌كان بریتین له‌ : 

1- قەدەغەكردنی بەكارهێنان و دانانی تەلەفزیۆن لە داینگە حكوومی و ناحكوومییەكان.

2- نابێت بەهیچ شێوەیەك نهۆمی دووەم بەكاربهێنرێت بۆ منداڵ تەنها بۆ ئیدارە و شوێنی چێشتلێنان بەكاردێت.

3- ئەو فەرمانە لە ڕۆژی دەرچوونی كاری پێ‌ دەكرێت.

لە كۆتایی نووسراوەكە هاتووە بە پێچەوانەی ئەو نووسراوە داینگەكان بەرپرس دەبن و ڕێكاری یاسایی دەگرینەبەر.

دارشتنه‌وه‌ی هه‌واڵ - شوان عه‌زیز