حكوومەتی عێراق شهست و چوار منداڵی چەکدارانی سەربە رێكخراوی داعش كە هەڵگری رەگەنامەی ئۆزپاكستانن گەڕاندووەتەوە وڵاتەكەیان.
سەرچاوەیەك لە وەزارەتی دەرەوەی عێراق ڕایگهیاند شەوی رابردوو بە هەماهەنگی لەگەڵ وەزارەتی دەرەوەی ئۆزپاكستان و رێكخراوی یونیسێف ئەو شهست و چوار منداڵە کە هەڵگری رەگەزنامەی ئۆزپاكستانن گەڕاندراونەتەوە بۆ وڵاتەكەیان .
سەرچاوەكە ئاماژەی بەوەشكرد كە دایك و باوكی زۆربەی ئەو منداڵانە بەتۆمەتی ئەندامبوونیان لە رێكخراوی داعش و شەڕكردن دژبە هێزە عێراقییەكان سزادراون و لە گرتووخانەكانی عێراقدا زیندانیكراون.
بەگوتەی سەرچاوەكە حكوومەتی عێراق لە پەیوەندیدایە لەگەڵ ئەو وڵاتانەی كە دەیانەوێت منداڵەكانی سەربە داعش بگەڕێننەوە بۆ وڵاتەكەیان.
لای خۆشیەوە حكوومەتی ئۆزبەكستان وەرگرتنەوەی ئەو شهست و چوار منداڵەی چەکدارانی سەربە رێكخراوی داعش پشتڕاستكردەوە و رایگەیاند کە ئەو منداڵانە رووبەڕووی كێشەی زۆر بوونەتەوە دوای ئەوەی خێزانەكانیان رێگەی هەڵەیان هەڵبژاردووە كاتێك چوونەتە نێو رێكخراوەكەوە ههر بۆیه پێویسته ئهركی بهخێوكردنیان له ئهستۆی حكومهت بێت.
کۆمێنت (0)
تا ئێستا هیچ کۆمێنتێک نەکراوە.