په‌رده‌ له‌سه‌ر په‌یکه‌ری د. جه‌مال ئه‌حمه‌د ره‌شید لادرا

په‌رده‌ له‌سه‌ر په‌یكه‌ری د. جه‌مال ئه‌حمه‌د ره‌شید ناسراو به‌ (باوكی منداڵان) له‌به‌رده‌م نه‌خۆشخانه‌ی د.جه‌مال ئه‌حمه‌د ره‌شید  له‌ سلێمانی لادرا.

له‌ مه‌راسیمێكدا له‌ شاریل سلێمانی  دوێنێ شه‌ممه‌ 12-10-2019، به‌ئاماده‌بوونی  ژماره‌یه‌ك پزیشك و كارمه‌ندانی ته‌ندروستی و خانه‌واده‌كه‌ی، له‌ مه‌راسیمێكی شایسته‌دا په‌رده‌ له‌سه‌ر په‌رده‌ له‌سه‌ر په‌یكه‌ری د. جه‌مال ئه‌حمه‌د ره‌شید لادرا .

په‌یكه‌رساز چێنه‌ر نزار رایگه‌یاند: ئه‌م په‌یكه‌ره‌ 29 هه‌مین كاری په‌یكه‌رسازیمه‌ و ماوه‌ی ساڵێكه‌ كاری تێدا ده‌كه‌م و له‌سه‌ر ئه‌ركی د. ته‌ها ره‌سوڵ جێبه‌جێكراوه‌ هه‌روه‌ها وتی: به‌رزی په‌یكه‌ره‌كه‌ دوو مه‌تر و 35 سانتیمه‌ و به‌ته‌واوی سێ مه‌تر به‌رزه‌، به‌هاڕاوه‌ی به‌ردی مه‌ڕمه‌ڕ دروستكراوه‌.

دكتۆر جه‌مال ره‌شید له‌ساڵی 1945 له‌شاری سلێمانی له‌دایك بووه‌ و پسپۆڕی پسپۆڕو راوێژكاری نه‌خۆشییه‌كانی منداڵان بوو، رۆژی 4ی ئه‌یلولی 2018 له‌ئه‌ڵمانیا به‌نه‌خۆشی شێرپه‌نجه‌ كۆچی دوایی كرد.

سه‌رچاوه‌/ ئاژانسه‌كان

كوردستان تیڤی /كامران