ئەمڕۆ سێشەممە وەزارەتی كارەبای حكوومەتی هەرێمی كوردستان لە راگەیاندراوێكدا هاووڵاتیان ئاگادار دهكاتهوه، كە ئەمڕۆ دۆخی كارەبای هەرێم ئاسایی بووەتەوە.
راشیگهیاند" هاوبەشانی كارەبا ئاگادار دەكەینەوە كە ئەمڕۆ رێكەوتی 22/10/2019 دۆخی كارەبای هەرێم ئاسایی بووەوە، ئەمەش دوای ئەوەی لەماوەی 12 رۆژدا كۆمپانیای داناغاز بەسەرپەرشتی وەزارەتی سامانە سروشتیەكان بەسەركەوتوویی ئەو پرۆسە چاكسازییەیان جێبەجێ كرد كە پێش هاتنی وەرزی زستان پێویست بوو لە كێڵگەكانی كۆرمۆر ئەنجامی بدەن و بەهۆیەوە كارەبای نیشتمانی كەمیكردبوو.
هەر ئەمڕۆش تیمەكانی بەڕێوەبەرایەتی كۆنترۆڵی كارەبای هەرێم بەهەماهەنگی لەگەڵ وێستگەكانی بەرهەمهێنانی كارەبا دەستیان بە زیادكردنەوەی بەرهەمهێنانی كارەبا كردەوە دوای ئەوەی هەناردەكردنی بڕە غازی پێویست بۆ وێستگەكان ئاسایبوونەوە .
کۆمێنت (0)
تا ئێستا هیچ کۆمێنتێک نەکراوە.