بۆ رۆژی دووەم لە چەندین شاری ناوەڕاست و باشووری عێراق خۆپیشاندانەكان بەردەوامی هەیە ، هێزە ئەمنییەكانیش لە هەوڵی كۆنترۆڵكردنی بارودۆخەكەدان و ژمارەیەك لە خۆپیشاندەران دەستگیركراون .
لیوای روكن عەلی غازی تائی فەرماندەی ئۆپراسیۆنی فوراتی ناوەند رایگەیاند كە ژمارەیەك لەو خۆپیشاندەرانەی كە ئەنجومەنی پارێزگای دیوانییەو ژمارەیەك بارەگای حزبەكانیان سووتاندووە دەستگیركراون . لە بەسرەش بەهەمان شێوە هێزە ئەمنییەكان ژمارەیەك خۆپیشاندەر دەستگیر دەكەن و لە شاری نەجەفیش لە بەردەم باڵەخانەی ئەنجومەنی پارێزگا خۆپیشاندان دەستیپێكردەوە .
لای خۆیەوە زهێر عەلی شەعلان پارێزگاری دیوانییە رایگەیاند كە خۆپیشاندانەكان لە سەرەتا ئاشتیانە بوو بەڵام خەڵكێك هاتنە ناو خۆپیشاندانەكەو ئاراستەی خۆپیشاندانەكەیان گۆڕی و توندوتیژی لێكەوتەوە .
لە پارێزگای زیقاریش ژمارەیەك كەس هەلساون بە سووتاندنی ماڵی سەرۆكی لێژنەی ئەمنی ئەنجومەنی پارێزگا . هەر دوێنێش ژمارەیەك بارەگای حزبی و حكومی لە زیقار كەوتنە بەر شاڵاوی خۆپیشاندەران و سووتێندران .
سوهێل تاهیر عەبدولڵا ..... كوردستان تیڤی
کۆمێنت (0)
تا ئێستا هیچ کۆمێنتێک نەکراوە.