هاوپەیمانان راینگهیاند: (14) جار مۆڵگەکانی داعش بۆردومان كردووه و چەندین ئەشکەوت و خەندەقی چەکدارانی ئەو رێکخراوە خاپوورکرد.
فڕۆکە جەنگییەکانی هاوپەیمانان ژمارەیەک پێگە و مۆڵگەی داعش لە قەزای مەخمور بۆردومان دەکەن و شانەی راگەیاندنی ئەمنیش دەڵێت: لەو بۆردومانەدا ژمارەیەک چەکداری داعش کوژراون.
ئەمڕۆ یەکشەممە شانەی راگەیاندنی ئەمنی بهیاننامهكی بڵاویکردەوە، فڕۆکە جەنگییەکانی هاوپەیمانێتی نێودەوڵەتی داعش بۆردومانی ژمارەیەک پێگە و مۆڵگەی چەکدارانی داعشیان کردووە لە چیای مەخمور و بەهۆیەوە ژمارەیەکی زۆر لە چەکدارانی ئەو رێکخراوە کوژراون.
ئاماژە بەوەشکراوە، لە هێرشەکاندا (14) جار مۆڵگەکانی داعش بۆردومان کراوە و چەندین ئەشکەوت و خەندەقی چەکدارانی ئەو رێکخراوە خاپوورکراوە.
کۆمێنت (0)
تا ئێستا هیچ کۆمێنتێک نەکراوە.