ئاگرێکی گه‌وره‌ له‌ کۆگایه‌کی ماتۆڕسکیل له‌به‌غدا که‌وته‌وه‌

سه‌رچاوه‌یه‌كی ئه‌منی ئه‌مڕۆ سێشه‌ممه‌ رایگه‌یاند كه‌ ئاگرێكی گه‌وره‌ له‌ كۆگایه‌كی ماتۆڕسكیل له‌به‌غدا كه‌وتۆته‌وه‌.

سه‌رچاوه‌كه‌ به‌ماڵپه‌ڕی سۆمه‌رییه‌ نیوزی راگه‌یاندووه‌: ئاگرێگی گه‌وره‌ به‌ره‌به‌یانی ئه‌مڕۆ له‌ نێو كۆگایه‌كی ماتۆڕسكیل له‌ ناوچه‌ی شه‌قامی كۆمپانیای زه‌لال له‌ نزیك وه‌زاره‌تی ناوخۆی عێراق له‌ به‌غدا كه‌وتۆته‌وه‌و بۆته‌ هۆی ئه‌وه‌ی زیانێكی زۆری ماددی لێبكه‌وێته‌وه‌.

سه‌رچاوه‌كه‌ گوتیشی: تیمه‌كانی به‌رگری شارستانی خه‌رێكی كۆنتڕۆڵكردنی ئاگره‌كه‌ن و دۆسییه‌ی لێكۆڵینه‌وه‌ش بۆ رووداوه‌كه‌ كراوه‌ته‌وه‌.

وه‌رگێڕان و داڕشتنه‌وه‌ی / رزگار