دوای نزیکەی شەش ساڵ، منداڵێکی کوردی ئێزدی گەڕێندرایەوە لای کەسوکارەکەی لە کەمپی مام رەشان لە قەزای شێخان. بێوار قاسم لە تەمەنی شەش مانگیدا کەوتووەتە دەستی داعش و لە تەلەعفەر لای خێزانێکی تورکمانی داعش بووە.
خێزانە تورکمانە داعشەکە ناویان گۆڕیوە بە ئەنەس و دوای نەمانی دەسەڵاتی داعش، چوونەتە تورکیا.
بێوار لەبەر ئەوەی لەناو ئەو خێزانە تورکمانەدا گەورەبووە، کوردی نازانێت و تەنیا بە تورکی قسەدەکات، ئەوەش وایکردووە خوشک و براکانی لێیتێنەگەن، بهلام هاتنەوەیشی خۆشی و شادیی بۆ خێزانەکەیان گەڕاندووەتەوە.
نیشانەیەک بە ملی منداڵەکەوەیە خوشک و براکانی پشتڕاستیان کردووەتەوە کە ئەوە بێوارەو ئێستا گرفتیان ئەوەیە کە لە یەکتر تێناگەن.
عەلی قاسم، برای بێوار دەڵێت"ئەوە برای منەو ئێمە نیشانەیەکمان لێی هەبوو و نیشانەکە دروستبوو، كه پشکنینی پزیشکیشمان کرد ئەویش دروستبوو.
پێشتر شەش برا و سێ خوشکی بێوار رزگاركراون، بهلام تاوەکو ئێستا دایک و باوک و برایەک و خوشکێکی بێسەروشوێنن.
کۆمێنت (0)
تا ئێستا هیچ کۆمێنتێک نەکراوە.