بەیانی هێڵی کارەبای (خەبات – زەنگەنان) لە ئاکرێ دەکرێتەوە

بەیانی رێكەوتی 23/12/2019 لە مەراسیمێكدا هێڵی كارەبای (خەبات – زەنگەنان) لە ئاكرێ دەكرێتەوە.

لەژێر چاودێری مەسرور بارزانی سەرۆكی حكومەتی هەرێمی كوردستان بەیانی لە رێكەوتی 23/12/2019 ئەندازیار كەمال محمد ساڵح وەزیری كارەبا و فەرهاد ئەتروشی پارێزگاری دهۆك هێڵی ( خەبات - زەنگەنان ) لەمەراسیمێكدا وێستگەی 132 كەی ڤی ئاكرێ دەكەنەوە، ئەم پرۆژەیە بەدرێژایی 33 كیلۆمەتر هێڵی پاڵەپەستۆی بەرزەو 104 تاوەری بەرز لەخۆدەگرێت و لەلایەن كۆمپانیای هێرۆوە بەتێچوونی 7 ملیۆن و 425 هەزار دۆلار لەماوەی 120 رۆژدا تەواو بووە، واتە پێش وادەی دیاریكراوی خۆی پرۆژەكە بەسەركەوتوویی ئەنجام دراوە.

بەمەش پارێزگای دهۆك دەتوانێت تەواویی بەشە كارەبای خۆی بەدەست بگات، ئەم پرۆژەیە رۆڵێكی گرنگی دەبێت لە پێشخستنی ژێرخانی گواستنەوەی كارەبا لەنێوان پارێزگاكانی كوردستاندا.