مەكتەبی سیاسی پارتی دیموكراتی كوردستان بەبۆنەی لەدایكبوونی حەزرەتی مەسیح (سڵاوی خوای لێبێت) پهیامێكی پیرۆزبایی بڵاوكردهوه كه ئهمه دهقهكهیهتی:
بەبۆنەی لەدایكبوونی حەزرەتی مەسیح (سڵاوی خوای لێبێت) گەرمترین پیرۆزبایی لە خوشك و برا كریستیانەكانی هەرێمی کوردستان بەتایبەتی و عێراق و جیھان بەگشتی دەكەین، هیوادارین هاتنەوەی ئەو یادە مایەی خۆشی و شادی ھەموولایەک بێت.
هەرێمی كوردستان هەمیشە لانەی پێكەوە ژیان و ئاشتەوایی و لێبووردەیی و نموونەیەكی راستەقینەی شەبەنگی برایەتی نێوان پێكهاتەکانی بووە، لەو سۆنگەیەوەش رۆڵی خوشک و برایانی كریستیانی کوردستان لە قووڵكردنەوەی ئەو كوولتورە دێرینە و بزووتنەوەی رزگاریخوازی گەلەکەمان و رووبەڕووبوونەوەی ستەم و چەوسانەوە گرنگ و كاریگەر و بەرچاو بووە، بۆیە دڵنیایین رەگوریشەی ئەو شارستانیەت و مێژووە دەوڵەمەندە هەردەم ئاوا پتەوتر و بەهێزتر دەبێت.
جارێكی دیكەو لەو دەرفەتەدا پشتیوانی تەواوی خۆمان بۆ خوشك و برایانی مەسیحی دووپات دەكەینەوە و جەخت دەكەینەوە سەر زیاتر چەسپاندنی پرەنسیپی پێكەوەژیان و گیانی لێبووردەیی لە نێوان گشت پێكهاتە نەتەوەیی و ئایینی و مەزهەبییەكاندا.
جاریکی دیکە جەژنتان پیرۆز بێت و هەر رۆژێكتان جەژن و شادی و بەختەوەری بێت...
مەكتەبی سیاسی
پارتی دیموكراتی كوردستان
25/12/2019
کۆمێنت (0)
تا ئێستا هیچ کۆمێنتێک نەکراوە.