کەشناسی هه‌رێم: له‌م ناوچانه‌ به‌فر ده‌بارێت

بەڕێوەبەرایەتی كەشناسی و بومەلەرزەزانی ھەرێمی كوردستان، ره‌وشى كه‌ش و هه‌وای   48 كاتژمێری داھاتوو راگەیاند

 به‌رێوه‌به‌رایه‌تیه‌كه‌ رایده‌گه‌ێنێت ئەمڕۆ ئاسمانی ھەرێمی كوردستان ھەوری تەواو دەبێت و لە زۆربەی كات باران دەبارێت، لە ناوچە شاخاوییەكانیش بەفر دەبارێت. 

ئاماژه‌ به‌وه‌ش ده‌كات كه‌ بەرزترین پلەی گەرما لە ھەولێر 12 پله‌ى سیلیزی ده‌بێت ، له‌پارێزگاكانى  سلێمانی 11 و دھۆك 10 پلەی سیلیزی و له‌پارێزگای كه‌ركوكیش  بەرزترین پلەی گەرما 15 پلەی سیلیزی دەبێت.

 به‌رێوه‌به‌رایه‌تی گشتى كه‌شناسی و بومه‌له‌رزه‌زانى هه‌رێمی كوردستان راشیده‌گه‌ێنێت ،  سبه‌ی  یەكشەممە ئاسمانی ھەرێمی كوردستان ھەور دەبێت و لە ھەندێك كات و شوێنی جیادا باران بەشێوەی پچڕ پچڕ دەبارێت، لە ناوچە شاخاوییەكانیش بەفر دەبارێت.

شوان عه‌زیز