وەزارەتی دەرەوەی ژاپۆن داخستنى باڵیۆزخانەی وولاتهكهى لە بەغدا رایگەیاندو هەروەها داوایشی لە هاووڵاتیانی ژاپۆنی كرد خاكی عێراق بەجێ بێڵن و لەم ڕووەشەوە لە كۆنسوڵگەی گشتییان لە هەولێر دەستبەكار دەبن.
ئەم بڕیارەى ژاپۆن دوای هێرشە مووشەكیەكەی بەرەبەیانیی ئەمڕۆی ئێران دێت بۆ سەر چەند بنكەیەكی سەربازی لە عێراق و هەرێمی كوردستان، كە سەربازانی ئەمریكیان تێدا بووه.
وەزارەتی دەرەوەی ژاپۆن رایگەیاندووە، كە بە هۆی گرژییەكانی ئەم دواییەی ناوچەكە و ئەگەری ڕووداوی لەناكاو لە داهاتوویەكی نزیكدا، داوا له هاووڵاتیانمان دەكەین بە زووترین كات خاكی عێراق بەجێ بێڵن.
وەزارەتی دەرەوەی ژاپۆن ئەوەشی راگەیاندووە ، كە لە ڕێگەی كۆنسوڵگەی گشتیی ژاپۆن لە هەولێرەوە یارمەتی هاووڵاتیانی دەدات خاكی عێراق بەجێ بێڵن.
کۆمێنت (0)
تا ئێستا هیچ کۆمێنتێک نەکراوە.