وهزارهتی شارهوانى و گهشت و گوزاری ههرێمی كوردستان رایدهگهێنێت هەڵمەتی پاككردنەوە و دەرهێنانی تایەی ئۆتۆمبێل لەناو ئاوەڕۆكان بەردەوامە
شارهوانى رایدهگهێنێت ، سەرۆكایەتیی شارەوانیی شێخان لە چەند شوێنێكی سنووری شارەوانییەكەیان هەڵمەتی پاككردنەوەی ئاوەڕۆكانی ئەنجامدا، كە بەهۆی نابەرپرسیارێتی هاووڵاتییان بە فڕێدانی تایە و كەلوپەل و خۆڵ و خاشاكی قورس ئاستەنگ بۆ ئاوەڕۆكان دروستببوو، تیمەكانی شارەوانی و ئاوەڕۆكانیش داوا لە هاووڵاتییان دەكەن كە چیتر تایە و خۆڵ و خاشاكی قورس فڕێنەدەنە ناو ئاوەڕۆكانەوە.
شایەنی بەبیرهێنانەوەیە بەڕێوەبەرایەتیی ئاوەڕۆكانی هەولێریش هەمان هەڵمەتی ئەنجامدا بۆ پاككردنەوەی ئاوەڕۆكان و دەرهێنانی تایەی ئۆتۆمبێل و خۆڵ و خاشاكی قورس كە ببوونە هۆی دروستكردنی ئاستەنگ لەبەردەم رێڕەوی ئاو لە ناو ئاوەڕۆكان.
پێشتر بەڕێوەبەرایەتیی ئاوەڕۆكان لە راگەیەندراوێكدا داوای لە هاووڵاتییان كرد كە چیتر تایەی ئۆتۆمبێل و خۆڵ و خاشاكی قورس فڕێنەدەنە ناو ئاوەڕۆكانەوە، چونكە ئەمە هەم دیاردەیەكی ناشیرینە و هەمیش دەبێتە هۆی كۆبوونەوەی ئاو و دروستبوونی لافاو كە دواتر زیان بە خودی هاووڵاتییان دەگەیەنێت.
شوان عهزیز
کۆمێنت (0)
تا ئێستا هیچ کۆمێنتێک نەکراوە.