مه‌سرور بارزانى: ئێمە پشتیوانی لەحکومەتی عێراق دەکەین کە پابەند بێت بە جێبەجێکردنی دەستوور

ئەمڕۆ پێنجشەممە 2020/1/6 مەسرور بارزانی سەرۆکی حکومەتی هەرێمی کوردستان پێشوازی لە برۆنۆ ئوبێرت باڵیۆزی فەرەنسا لە عێراق کرد.
لەدیدارەکەدا، گفتوگۆ دەربارەی گۆڕانکارییەکانی عێراق و ناوچەکە و پەرەپێدانی پەیوەندییەکانی هەرێمی کوردستان و فەرەنسا کرا.
سەرۆکی حکومەتی هەرێمی کوردستان جەختی لە گرنگیی هێوربوونەوە و سەقامگیربوونی دۆخی ئێستای عێراق کرد و ئاماژەی بەوەدا کە ئێمە پشتیوانی لەحکومەتێک دەکەین کە پابەند بێت بە جێبەجێکردنی دەستوور و ئەو لەیەکتێگەیشتنانەی لە گەڵ حکومەتی فیدرالی بۆ چارەسەرکردنی کێشەکان هاتووەتە ئارا. 
باڵیۆزی فەرەنسا  ئامادەیی وڵاتەکەی بۆ  پەرەپێدانی زیاتری پەیوەندییەکان لەگەڵ عیراق و هەرێمی کوردستان دەربڕی ، بەتایبەتیش گرنگیی پشتیوانیکردنی سوپای عێراق و هێزی پێشمەرگە بۆ رووبەڕووبوونەوەی تیرۆر و هەڕەشەکانی داعش.