دەستەی کەشناسی عێراق بڵاویکردەوە کە بەهۆی دابەزینی پلەکانی گەرماوە بەفر لە شاری بەغدا و ژمارەیەک پاریزگای ناوەڕاست و باشوور باریووە.
بەرەیانی ئەمڕۆ سێشهممه بەفربارین شارەکانی بەغدا، بابل، کەربەلا، نەجەف و دیوانییەی گرتەوە کە ئەوەش یەکەمجارە دوای ١٢ ساڵ ئەوە روودەدات.
ئەوەش داوی ئەوە هات کە پلەکانی گەرما لە بەغدا و ژمارەیەک پارێزگای ناوەڕاست و باشووری عێراق زۆر دابەزین بە جۆریک گەیشتووەتە سفری ژێر سەدی.
لای خۆیەوە بەڕێوەبەری بەشی چاودێریکردن لە دەستەی کەشناسی عێراق، سەیف شەعبان لە لێدوانێکدا رایگەیاندووە، ئەو شەپۆلە سەرما و سۆڵەی کە عێراقی گرتووەتەوە، سبەی چوارشەممە کۆتایی دێت و کاریگەری نامێنێت.
دوێنێ و ئەمڕۆ بەهۆی کاریگەری ئەو سەرما و سۆڵە لەگەڵ بەفربارین کە ناوچەکەی گرتووەتەوە دەوامی فەرمی لە شاری مووسڵ کراوەتەوە پشوو.
بە هەمان شێوە ئەمڕۆ لەسەرجەم دامو دەزگا و فەرمانگەکانی حکوومەتی ھەرێمی کوردستان بەھۆی سەرما و سۆڵە و سەختی ھاتوچۆکردن کراوەتە پشوو.
کۆمێنت (0)
تا ئێستا هیچ کۆمێنتێک نەکراوە.