دانا جومعه‌ : به‌مه‌به‌ستى رێکخستنه‌وه‌ و پێدانی رێنمایی نوێ کۆبوونه‌وه‌یه‌ک له‌گه‌ڵ سه‌رجه‌م هۆڵه‌کانى له‌شجوانى هه‌ولێر به‌رێوه‌ده‌چێت

 دانا جومعه‌ سكرتێری یه‌كێتى له‌شجوانى و له‌ش رێكی هه‌ولێر به‌مالپه‌ری كوردستان تیڤى راگه‌یاند ، رۆژى پێنجشه‌ممه‌ى داهاتوو كۆبوونه‌وه‌یه‌ك له‌گه‌ڵ سه‌رجه‌م هۆڵه‌كانى له‌شجوانى و له‌ش رێكی هه‌ولێر به‌رێوه‌ده‌چێت 

 دانا جومعه‌ سكرتێری یه‌كێـتیه‌كه‌ رایده‌گه‌ێنێت ، كۆبوونه‌وه‌كه‌ كاتژمێر 10 ى سه‌ر له‌به‌یانى له‌هوتێلی لاماسۆ به‌به‌شداری سه‌رجه‌م راهێنه‌ر و سه‌رپه‌رشتیارانى هۆله‌كانى له‌شجوانى و له‌ش رێكی به‌رێوه‌ده‌چێت 

 دانا جومعه‌  سكرتێری یه‌كێتى له‌شجوانى و له‌ش رێكی هه‌ولێر رایده‌گه‌ێنێت ، وه‌ك لێژنه‌یه‌ك له‌ پارێزگای هه‌ولێر له‌گه‌ڵ سه‌رپه‌رشتیارانی هۆله‌كان تاوتوێی رێكخستنه‌وه‌ى هۆله‌كان و پێدانى رێنمایی پارێزگار به‌مه‌به‌ستى جێ به‌جێ كردنی ئه‌و خاڵانه‌ى ئاراسته‌یان ده‌كرێت كۆبوونه‌وه‌ به‌رێوه‌ده‌چێت 

وتیشى  هه‌ر له‌و كۆبوونه‌وه‌یه‌دا تاوتوێی كارو چاڵاكیه‌كانى ئه‌م ساڵ ده‌كرێت به‌مه‌به‌ستى به‌رێوه‌چوونى پاله‌وانێتى هۆله‌كان