وەزارەتی تەندروستی عیراق، 18-3-2020 بڵاویكردەوە، لە 24 كاتژمێری رابردوو پشكنینی بۆ 105 حاڵەتی گوماناوی تووشبوو بەڤایرۆسی كۆرۆنا ئەنجامدراوە.
ئەمڕۆ چوارشەممە وەزارەتی تەندروستی و ژینگەی عیراق داتای نوێی پشكنینی تاقیگەیی بڵاوكردەوە و ئاماژەی بەوەكرد، لە نەخۆشخانەكانی پارێزگاكانی عیراق پشكنین بۆ 105 گومانلێكراو كراوە و دەركەوتوە شەش حاڵەتی نوێی هەڵگری ڤایرۆسی كۆرۆنای نوێ هەیە، كە پێنجیان لە بەری رەسافەی بەغدان و ئەوی دیكەش لە دیالەیە.
ئەوەش روونكراوەتەوە، تەنها یەك حاڵەتی گیانلەدەستدان بەهۆی كۆرۆنا تۆماركراوە كە ئەویش لەپارێزگای بەسرەیە.
لەئێستادا 164 حاڵەتی تووشبوون بەڤایرۆسی كۆرۆنا لەعیراق ( بەهەرێمی كوردستانەوە) تۆمار كراوە، لەو ژمارەیە 43 تووشبوو چاكبوونەتەوەو 12ی تر گیانیان لەدەستداوە.
کۆمێنت (0)
تا ئێستا هیچ کۆمێنتێک نەکراوە.