یه‌کێک له‌سه‌رکرده‌کانی حزبوڵڵا کوژرا

ده‌زگا راگه‌یاندنه‌كانی ئێران بڵاویان كرده‌وه‌ كه‌ یه‌كێك له‌ سه‌ركرده‌كانی حزبوڵلای لوبنان له‌لایه‌ن چه‌ند كه‌سێكی نه‌ناسراوه‌و تیرۆركراوه‌.

له‌مباره‌یه‌وه‌ ئاژانسی هه‌واڵی فارس-ی ئێران رایگه‌یاند: چه‌ند كاتژمێرێك به‌ر له‌ ئێستا محه‌مه‌د عه‌لی یونس، یه‌كێك له‌سه‌ركرده‌كانی حزبوڵلای لوبنان له‌لایه‌ن چه‌ند كه‌سێكی نه‌ناسراوه‌وه‌ له‌ باشووری لوبنان تیرۆر كراوه‌.

ئاژانسی هه‌واڵی فارس گوتیشی: زانیاری زیاتر ده‌رباره‌ی چۆنییه‌تی كوشتنه‌كه‌ی به‌رده‌ست نییه‌ و له‌سه‌رچاوه‌ نافه‌رهمییه‌كان بڵاوكراوه‌ته‌وه‌ كه‌ مه‌حه‌مه‌د عه‌لی، سه‌ركرده‌یه‌كی حزبوڵلایه‌ و به‌رپرس بووه‌ له‌ راوه‌دوونانی بریكارو سیخووڕه‌كان.

وه‌رگێڕان و داڕشتنه‌وه‌ی / رزگار