کوردستان تیڤی - بەرلین: ئەڤە دوەمین کوردێ ئێزدی یە دماوێ ڤێ حەفتیێ دا ل ئەلمانیا دهێت کوشتن.
فیراز سەردار تەمەن 31 سالی هاولاتیێ شێخان ل هەرێما کوردستانێ یە ماوێ چەند سالەکایە ل ئەلمانیا دژیت بابێ چوار زاروکانە و کارێ سەرتراشیێ دکر ل باژێرێ ئولدن بورگ یێ ئەلمانی ل روژا پێنج شەمبی درەنگی شەڤ پۆلیسێن باژێرێ باد زویشنان دهێن هایدار کرن ل سەر بویەرێ، دەمێ پۆلیس دچن جهێ رویدانێ دبینن کەسەک ل دناڤا ترومبێلەکا فولکس واگن ل جهێ شوفێری بریندارە، تیمێن هەوار هاتنێ هەولا رزگارکرنا ناڤبری ددەن لئ گیانێ خوە ل جهێ رویدانێ ژ دەست ددەت ، پشتی بچەندین چەقویان هاتیە بریندارکرن.
ل گورەی پولیسان وان مێرەک 42 سالی و هەڤژینا وی تەمەن 28 سالی ل جهێ رویدانێ دەستە سەرکرینە هەردو کەس وەلاتیێن سوریێ نە دبەریکا کەسێ عەرەب دا چەقویەک دهێت دیتن ، لگورەی هن کەسێن نێزیکی بویەرێ کەسەکێ دی تەمەن 36 سالی دگەل وان ژن و مێران دا بویە بەشداری تاوانێ بویە و پۆلیس دبێژن ئەو رەڤی یە جهێ نەهاتیە ئاشکرا کرن، لێکولین بەردەوامە ل سەر ڤێ تاوانێ .
دپەیوەندیەکا تەلەفونی دا برایێ فیراس فەرسەت سەردار بو کوردستان تیڤی دا دیار کرن كو برایێ وان چ کێشە ل گەل کەسێ نەبوینە ئەو ژی نزانن ئەگەرێ راست و درست یێ ڤێ تاوانێ چیە ، ئەو چاڤەرێی ڤەکولینا پۆلیسانن ل گور هن ژێدەران ئەو کەسێ تاوان ئەنجام دای عەرەبێ شامێ یە .
جهێ ئماژێ یە ئەڤە دوەمین کوردێ ئێزدی یە دماوێ ڤێ حەفتیێ دا ل ئەلمانیا دهێت کوشتن ، بەری چەند روژان گەنجەکێ تەمەن ١٥ سالی خەلکێ شنگارێ ل باژێرێ سەلێ یێ ئەلمانیا ژلایێ کەسەکێ ئەلمان ڤە هات کوشتن .
کۆمێنت (0)
تا ئێستا هیچ کۆمێنتێک نەکراوە.