دوای ئەوەی بڵاوبوونەوەی ڤایرۆسی كۆرۆنا لەجیهان مشتومڕێكی زۆری دروستكردووە گوایە ئەو ڤایرۆسە لەتاقیگەكانەوە دزەی كردووە و دروستكراوی مرۆڤە ، رێكخراوی تەندروستی جیهانی دەڵێت ئەسڵی ڤایرۆسی كۆرۆنا ئاژەڵیە و دروستكراو نیە.
رێكخراوی تەندروستی جیهانی ئاماژەبەوەدەكات بەپێی سەرجەم ئەو بەڵگانەی لەبەردەستدایە ئاماژە بۆ ئەوەدەكەن ڤایرۆسی كۆرۆنای نوێ لەكۆتایی ساڵی رابردوو لەرێگەی شەمشەمەكوێرە لەچین بڵاوبۆتەوە و ئەو ڤایرۆسە دروست نەكراوە.
فەزیلە شایب وتەبێژی رێكخراوی تەندروستی جیهانی لە لێدوانێكی رۆژنامەوانیدا لەشاری ژنێف رایگەیاند: بەپێی سەرجەم بەڵگەكان ئەسڵی ڤایرۆسی كۆرۆنا ئاژەڵیە نەوەك ڤایرۆسێك كە دروست كرا بێت لەناو تاقیگە یاخود شوێنێكی دیكە.
وتیشی: زۆر روون نیە ئەو ڤایرۆسە چۆن گواستراوەتەوە بۆ مرۆڤ ، بەڵام دڵنیان لەوەی خانەخوێیەكی ئاژەڵی هەبووە كە ڤایرۆسەكە لەوێوە گواستراوەتەوە.
سەرچاوە/ العربية.نت
تەندروستی سلێمانی
کۆمێنت (0)
تا ئێستا هیچ کۆمێنتێک نەکراوە.