قایمقامی سۆران رایگهیاند: له شاری سۆران 10 كهس تووشی ڤایرۆسی كۆرۆنا بوون گوتیشی: بۆیە ئێمە ناچارین ڕێکارەکانی خۆ پاراستن توند بکەینەوە.
كرمانج عزهت قایمقامی سۆران به كوردستان تیڤی رایگهیاند: بە داخەوە ئەوەی لێی دەترساین ، لە سۆران ئەوڕۆ ڕوو بە ڕوومان بووەوە ، لە ھەواڵێکی ناخۆشدا ئەمڕۆ 10 پشکنین لە سۆران پۆزەتیڤ دەر چوون ، واتە 10 کەس ھەڵگری ڤایرۆسی خەتەرناکی کۆڕۆنان ، دیارە ھۆکارەکە بەریەککەوتن بووە ، ئەوە دوای ئەوەی کە باری سۆران زۆر بەرەو باشی چوو بوو لە کۆنترۆلی ئەو پەتایە خەتەرناکە .
بۆیە ئێمە ناچارین ڕێکارەکانی خۆ پاراستن توند بکەینەوە ئەگەر خەڵک ھاوکار نەبێ لە بازار و گەڕەکەکان ئەوا پێداچوونەوە بە ھەموو ئاسانکاریەکان دەکرێ کە کردومانە .
دهشلێت: ھەر گردبوونەوەیەک لە بازار و مزگەوت و شوێنەکانی تر قەدەخەیە .
ئێستا سەلامەتی خۆتان بە دەست خۆتانە ، یان دەبێ شار و ماڵەکانمان نەخۆش بکەین یان دەبێ ئەو حاڵەتە نوێیە بە جدی وەر بگرین و ھاوکاری حکومەت بین بۆ کۆنترۆڵ کردنەوەی .
قائیمقامی سوران گوتیشی: هاووڵاتیهكان له دوو خانهوادهی دۆڵی روست بیك هاتوون و دانیشتووی گهرهكی برایهتین، تووشبووهكان ڕهوانهی نهخۆشخانه له ههولێر دهكرێن و دوو كوڵانی گهرهكی برایهتیش كهرهنتینه كراون.
کۆمێنت (0)
تا ئێستا هیچ کۆمێنتێک نەکراوە.