شاندی هەرێمی کوردستان ئەمڕۆش کۆمەڵێک دیدار و کۆبوونەوەیان لە بەغدا ئەنجامدا و گرنگترینیان کۆبوونەوە بوو لەگەڵ سەرۆکوەزیرانی ئێستا و هەروەها راسپێردراو بۆ پۆستی سەرۆکوەزیرانی داهاتووی عێراق.
بەپێی زانیارییەکان لە کۆبوونەوە لەگەڵ عادل عەبدولمەهدی، سەرۆکوەزیرانی عێراق و مستەفا کازمی، راسپێردراو بۆ پۆستی سەرۆکوەزیرانی داهاتووی عێراق گفتوگۆ کراوە لەبارەی کێشەکانی نێوان هەولێر و بەغدا بۆ دۆزینەوەی میکانیزمی یاسایی بۆ چارەسەرکردنی کێشەکان.
شاندی حکومەتی هەرێمی کوردستان هەروەها لەگەڵ لیژنەی دارایی پەرلەمانی عێراق کۆبوونەوە و گفتوگۆکراوە لەبارەی خاڵە ناکۆکەکان لە پرۆژەیاسای بودجەی عێراق.
لەکۆبوونەوە لەگەڵ سەرۆکی لیژنەی دارایی پەرلەمان عێراق، بڕی نەوتی هەناردەکراوی هەرێمی کوردستان و بڕی پارەی وەرگیراو بۆ لیژنەی دارایی روونکرایەوە".
هەروەها لە کۆبوونەوەکە دەستکەوتە داراییەکانی هەرێمی کوردستان خرایەڕوو و بڕیاریدا هەردوولا هاوئاهەنگییەکانیان زیاتر بکەن".
کۆمێنت (0)
تا ئێستا هیچ کۆمێنتێک نەکراوە.