داعش به‌ره‌به‌یانی ئه‌مڕۆ هێرشی کرده‌ سه‌ر رۆژئاوای که‌ربه‌لا

فیرقه‌ی عه‌باس رایگه‌یاند‌ كه‌ به‌ره‌به‌یانی ئه‌مڕۆ یه‌ك شه‌ممه‌ چه‌كدارانی داعش هه‌وڵیان داوه‌ دزه‌ بكه‌نه‌ نێو رۆژئاوای كه‌ربه‌لا.

له‌مباره‌یه‌وه‌ راگه‌یاندنی لیوای دووی سه‌ربه‌ فیرقه‌ی عه‌باسی شه‌ڕكه‌ر له‌ راگه‌یه‌نراوێكێدا گوتی: لیوای دووی سه‌ربه‌ فیرقه‌ی وه‌ڵامدانه‌وه‌ی خێرا هه‌وڵێكی دزه‌كردنی چه‌كدارانی داعشیان بۆ نزیك بوونه‌وه‌ له‌ سنووری ده‌ره‌وه‌ی شارۆچكه‌ی نخێب له‌ رۆژئاوای كه‌ربه‌لا  پووچه‌ڵ كرده‌وه‌.

هه‌روه‌ها راگه‌یه‌نراوه‌كه‌ی لیوای دوو ده‌ڵێت: هێرشه‌كه‌ له‌به‌ری بیابانی رومادی ئه‌نجامدراوه‌و هێزه‌كانی فیرقه‌ی دوو به‌ڵێنیان داوه‌ رووبه‌رووی هه‌رهێزێك ده‌بنه‌وه‌ كه‌ بیه‌وێ له‌ شارۆچكه‌ی نخێب و كه‌ربه‌لا نزیك ببێته‌وه‌.

وه‌رگێڕان و داڕشتنه‌وه‌ی / رزگار