بەڕێوەبەرایەتی گشتی نەهێشتنی ماددە هۆشبەرەكان لە هەولێر، دەستگیركردنی تۆمەتبارێك و دەستبەسەردا گرتنی بڕێك ماددە و حەبی هۆشبەر و ژمارەیەك چەك و چەند كەلوپەلێكی بازرگانیكردن و بەكارهێنانی ماددەی هۆشبەری راگەیاند.
لە راگەیەندراوێكدا بەڕێوەبەرایەتی گشتیی ماددە هۆشبەرەكان لە هەولێر بڵاوی كرده‌وه كه دواى كۆكردنەوەى زانیارى و به دواداچونى وورد لەلایەن بەڕێوەبەرایەتی گشتی نەهێشتنی ماددە هۆشبەرەکان، ئەمڕۆ 5/7/2020 له شارى هەولێر توانرا بازگانێکی ماددەى هۆشبەر بەناوی (م، م، ع) دەستگیربکرێت.
راشیده‌گه‌یه‌نن ، لەو پرۆسەیەدا دەست بەسەر بڕی (265) گرام مادده هۆشبەر لەجۆری (تلیاك، هێرۆین و شیشه) و بڕی ( 490 ) شیت حەبی هۆشبەری جۆری ترامادۆڵیشدا گیرا، لەگەڵ دەسبەسەرداگرتنی (4) دەمانچە ،(1) كڵاشینکۆف، تەرازوویەکی دیجیتاڵ و چەند کەلوپەلێکی بەکارهێنانی ماددەی هۆشبەر.
کۆمێنت (0)
تا ئێستا هیچ کۆمێنتێک نەکراوە.