گوتەبێژ بەناوی وەزارەتی دەرەوەی ئەمەریكا رایگەیاند كە وەزارەتەكەیانن زانیاری هەیە لە سەر كەوتنە خوارەوەی مووشەك بۆ سەر ناوچەیەكی نێودەوڵەتی لە بەغدا .
روونیشیكردەوە كە لایەنی عێراقی و دامەزراوە ئەمنییەكانی عێراق خەریكی لێكۆڵینەوەن بۆ ئەو بابەتە و راشیگەیاند كە ئەو هەرەشەیە و ئەو هێرشە مووشەكیانە مەترسیدارن نەك تەنها بۆ ئێمە بەڵكو بۆ حكومەتی عێراقی و شاندە دبلۆماتكارەكان و ناوچەكانی دەوروبەری كە خەڵكێك تیای نیشتەجێن .
گوتەبێژ بەناوی وەزارەتی دەرەوەی ئەمەریكا وتەكانی مایكل بۆمبیۆی خستە روو كە ستایشی رۆڵی حكومەتی عێراقی كردبوو بەوەی تەواوی گروپە چەكدارەكانی ناچار كردووە بخرێنە ژێر كۆنترۆڵی دەوڵەتەوە . بۆمیۆ راشیگەیاندبوو بوونی ئەوانەی لە دەرەوەی یاسان تا ئێستاش بەربەستن لە بەردەم عێراق و پێشكەوتنی سیاسی و ئابووری لەو وڵاتە .
روونیشیكردەوە بۆ ئەوەی جیهان هاوكاری عێراق بكات پێویستە یەكەم جار عێراق خۆی هاوكاری خۆی بكات .
ئەو لێدوانەی وەزارەتی دەرەوەی ئەمەریكا دوای ئەوە دێت كە شەوی رابردوو فرۆكەخانەی نێودەوڵەتی بەغدا كەوتە بەر هێرشی مووشەكی
سوهێل تاهیر .... كوردستان تیڤی
کۆمێنت (0)
تا ئێستا هیچ کۆمێنتێک نەکراوە.