دوای ئەوەی سەرلەبەیانی ئەمڕۆ دووشەممە 2020.7.6 بەشیك لە جوتیاران بەهۆی ساخنەبوونەوەی بەربومە کشتوکاڵیەکانیان خۆپیشاندانێکیان ئەنجامدا و رێگای هەولێر-دهۆکیان گرت.
لەلایەن د.فرسەت سۆفی پارێزگاری هەولێر، بە ئامادەبوونی د. عەبدولحەكیم خەسرۆ سەرۆكى فەرمانگەى هەماهەنگى و بەدواداچوونی حکومەتی هەرێمی کوردستان و هێمن قادر جێگری پارێزگار و قایمقامی ناوەند لەدیوانی پارێزگا، پێشوازی لە نوێنەری ئەو جوتیارانە کرد.
لەدیدارەکەدا نوێنەری جوتیاران تیشکیان خستە سەر ئەوەی کە بەهۆی قەدەغەی هاتووچۆ لەنێوان پارێزگاکانی هەرێمی کوردستان و پارێزگاکانی تری عێراق، ساخکردنەوەی بەروبوومە کشتوکاڵییەکان لە بازاڕەکانی هەرێمی کوردستان وەکو پێویست نەبووە و تووشی زەرە و زیان هاتوون، بۆیە داواکاربوون کە رێگا بکرێتەوە بەڕووی بازرگانەکانی ناوەڕاست و باشوری عێراق تا بەروبومە کشتوکاڵەکانیان بفرۆشن بەتایبەتی لەم وەرزەدا کە وەرزی تەماتەیە.
لەلایەن خۆیەوە پارێزگاری هەولێر، بەڵێنی بە جوتیاران و نوێنەری جوتیاراندا هەموو هەوڵێکی خۆی دەخاتەگەڕ بۆ چارەسەرکردنی کیشەکەیان و دڵنییایدا کە بەزووترین کات کێشەکەیان بۆ چارەسەر دەکات.
ڕاگەیاندنی پارێزگای هەولێر
2020.7.6
کۆمێنت (0)
تا ئێستا هیچ کۆمێنتێک نەکراوە.