به‌گوێره‌ی هه‌واڵێكی رۆژنامه‌ی ته‌له‌گرافی بریتانی پسپۆرێك له زانكۆی ئۆكسفۆرد رایگه‌یاندووه، لێكۆڵینه‌وه تازه‌كان ده‌ریانخستووه كه ڤایرۆسی كۆرۆنا پێشتر له زۆربه‌ی شوێنه‌كانی جیهان هه‌بووه،به‌ڵام چالاك نه‌بووه‌و دواتر له چین ده‌ركه‌وتووه.
پسپۆره‌كه ده‌ڵێت: هه‌روه‌ها زۆربه‌ی بۆچوونه‌كان ده‌ڵێن: كۆرۆنا له‌ناوچه‌كانی ده‌ره‌وه‌ی چین سه‌ری هه‌ڵداوه، به‌ڵام تائێستا به‌ته‌واوه‌تی پشت راست نه‌كراوه‌ته‌وه.
هه‌روه‌ها گوتیشی: ئه‌مه‌ش ئه‌وه ده‌سه‌لمێنێ كه ڤایرۆسه‌كه له‌بنه‌ڕه‌تدا جیهانییه، به‌ڵام چاوه‌ڕێی كاتێكی گونجاوی كردووه بۆ ئه‌وه‌ی به‌په‌له بڵاوببێته‌وه.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.