سەرچاوەیەكی ئەمنی رایگەیاند كە ژمارەیەك چەكداری نەناسراو ئاگریان بەردایە سێ ئۆتۆمبێلی سەربازی عێراق كە چەندین كەل و پەلی سەربازیان بۆ هێزەكانی ئەمریكا و هاوپەیمانی نێودەوڵەتی دەگواستەوە لە رێگەی ئۆتۆمبێلی هەمەر لە سەر رێگای خێرای دیوانییە لە باشووری عێراق .
بەپێی سەرچاوەكە ، ئەو چەكدارە نەناسراوانە بە دوو ئۆتۆمبێلەوە ئەو سێ كاروانەی هێزەكانی عێراقیان ناچار كرد بوەستن و شوفێرەكان دابەزێنن دواتر ئۆتۆمبێلەكان بسووتێنن .
هەروەها بەپێی سەرچاوەكە ئەو كاروانەی هێزەكانی عێراق چەندین كەل و پەلی هیزەكانی ئەمریكا و هاوپەیمانانی تیا بوو لەوانە چەندین ئۆتۆمبێل و هەمەر . دواتر چەكدارەكان بۆ شوێنێكی نادیار رایانكرد بەر لە گەیشتنی هێزە ئەمنییەكان و دواتر هەردوو شوفێرەكەیان بۆ بارەگای پۆلیسی دیوانیە گواستەوە بۆ وەرگرتنی ئیفادەیان و دواتر تیمەكانی بەرگری گەیشتنە شوێنی رووداوەكەو ئاگرەكەیان كوژاندەوە .
سوهێل تاهیر .... كوردستان تیڤی
کۆمێنت (0)
تا ئێستا هیچ کۆمێنتێک نەکراوە.