بە پێی ڕاپۆرتی گەیشتوو بە ڕێکخراوی مافی مرۆڤی هەنگاو، بەرەبەیانی دوێنێ یەکشەممە حوکمی سێدارەی هاووڵاتییەکی خەڵکی سەرپێڵی زەهاو بە ناوی ”فەرزاد شەکەری“ لە بەندیخانەی دێزڵئاوای کرماشان جێبەجی کراوە.
فەرزاد شەکەری خەڵکی گوندی ”کەل داوود“ی سەرپێڵی زەهاو بووە کە چوار ساڵ پیش بە تۆمەی کوشتنی هاووڵاتییەکی دیکە دەستبەسەر و لەلایەن دەزگای دادوەریی حکومەتی ئێرانەوە حوکمی سێدارەی بە سەردا سەپابوو.
بە پشتبەستن بە ئاماری تۆمارکراو لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، لە ماوەی شەش مانگی یەکەمی ئەمساڵ، لانیکەم حوکمی سێدارەی ٣٠ هاووڵاتیی کورد لە بەندیخانەکانی ئێران جێبەجێ کراوە.
کۆمێنت (0)
تا ئێستا هیچ کۆمێنتێک نەکراوە.