پێکهاتووە لە ٢١ پارچە زێڕ
راگەیاندن و پەیوەندییەکانی کۆمەڵگای دەروازەی نێودەوڵەتی حاجی ئۆمەران، ئەمڕۆ سێشەممە ڕایگەیاند: لە چالاکییەکی کەموێنەدا کارمەندانی ئاساییشی سنوورەکە توانیویانە دەست بەسەر 21 پارچە زێڕی لەقالبدراو دا بگرن، کە بەشێوەی قاچاغ بەنیازبوون هاوردەی هەرێمی کوردستانی بکەن.
لە ڕاگەیەندراوەکە هاتووە: رۆژی سێ شەممە رێکەوتی ١٤/٧/٢٠٢٠ کارمەندانی بەرێوەبەرایەتی ئاسایشی دەروازەی نێودەوڵەتی حاجی ئۆمەران لە چالاکییەکی بێ وێنەدا لە کاتی پشکنینی بارھەڵگرێکدا توانیان دەست بەسەر (٢١پارچە زێڕ) کە دەکاتە (٢٥.٤٠٠) بیست و پێنج کیلۆ و چوارسەد گرام دابگرن.
کە لە ناو چەکمەجەی بارھەڵگرێکی عێراقى دا لە کاتی گەرانەوە دا حەشار درابوون و ھەوڵدرابوو بە شێوەی نایاسایی و بە قاچاغی هاوردەی ھەرێمی کوردستانی بکەن.
لە دوای دەستبەسەر داگرتنیدا پەڕاوی لێکۆڵینەوەی بۆ کراوەتەوە و رەوانەی بەشی یاسایی گومرگی حاجی ئۆمەران کرا بۆ وەرگرتنی رێکاری یاسایی و گومرگی.
لەکۆتایی ڕاگەیەندراوی ڕاگەیاندن و پەیوەندییەکانی کۆمەڵگای مەرزی حاجی ئۆمەراندا ئەوەش هاتووە: بە ناوی دەروازەی نێودەوڵەتی حاجی ئۆمەران دەستخۆشی لە بەرێوەبەر و ئەفسەران و کارمەندانی بەرێوەبەرایەتی ئاساییشی کۆمەڵگای حاجی ئۆمەران دەکەین .
کە چاوکراوانە بەردەوام و بە شەو و رۆژ لە ئەرکدان، جگە لە پاراستنی ئاسایشی کوردستان و سەلامەتی گیانی کوردستانیانی خۆشەویست، رێگری لە ھەر کار و بازرگانییەکی نایاساییش دەکەن کە کارتێکردنی خراپ لە سەر داھات و ئابووری ھەرێمی کوردستان ھەبێت.
کۆمێنت (0)
تا ئێستا هیچ کۆمێنتێک نەکراوە.