نووسینگه‌ی سه‌رۆك وه‌زیرانی عێراق ئه‌مڕۆ چوارشه‌ممه رایگه‌یاند: مسته‌فا كازمی گه‌یشته به‌سره‌و كۆبوونه‌وه‌ی ئه‌نجومه‌نی وه‌زیرانی عێراق-یشی هه‌ر له‌وپارێزگایه ئه‌نجامدا.
نووسینگه‌كه له راگه‌یه‌نراوێكدا ده‌ڵێت: مسته‌فا كازمی، سه‌رۆك وه‌زیرانی عێراق به‌یانی ئه‌مڕۆ گه‌یشته پارێزگای به‌سره‌و هه‌ر له‌وێش كۆبوونه‌وه‌ی ئه‌نجومه‌نی وه‌زیرانی ئه‌نجامدا.
بەپێی راگەیەندراوەكە لە میانی كۆبوونەوەكەدا، سەرۆكوەزیران مستەفا كازمی گوتی: كۆبوونەوەی ئەنجوومەنی وەزیرانمان لە بەسرە سازكردووە بۆ ئەوەی داواكارییەكانی دانیشتوانی شارەكە جێبەجێ بكەین، هەروەها خزمەتگوزارییەكانیان پێشكەش بكەن.
شایانی باسه دوێنێ مسته‌فا كازمی،سه‌رۆك وه‌زیرانی عێراق، سه‌ردانی كه‌ربه‌لا-ی كردوو چه‌ند پڕۆژه‌یه‌كی خزمه‌تگوزاری له‌پارێزگاكه كرده‌وه.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.