وه‌زاره‌تی گواستنه‌وه و گه‌یاندنی حكومه‌تی هه‌رێمی كوردستان له‌هه‌ژماری تایبه‌تی خۆیدا له تۆڕی كۆمه‌ڵایه‌تی فه‌یسبووك رایگه‌یاند: لیژنه‌ی باڵای ته‌ندروستی و سه‌لامه‌تی نیشتیمانی عێراق، له كۆبوونه‌وه‌ی ئه‌مڕۆیدا سه‌باره‌ت به گۆڕانكاری له ڕێوشوێنه‌كانی خۆپارێزی چه‌ند بڕیارێكی ده‌ركردویه‌كێك له‌و بڕیارانه‌ش له ڕۆژی ۲۳ی ئه‌م مانگه‌وه فڕۆكه‌خانه‌كانی عێراق و هه‌رێمی كوردستان ده‌كرێنه‌وه‌و گه‌شته‌كانی ئاسمانیی ده‌ستپێده‌كه‌نه‌وه.
هه‌روه‌ها وه‌زاره‌تی گواستنه‌وه و گه‌یاندن ده‌ڵێت: له‌پێناوی سه‌لامه‌تی هاووڵاتیان و گه‌شتیاران،كردنه‌وه‌ی فڕۆكه‌خانه‌كانی عێراق و هه‌رێمی كوردستان، به‌پێی مه‌رج و ڕێنماییه‌كانی خۆپارێزی ته‌ندروستی ده‌بێت.
ده‌شڵێت : ده‌سه‌ڵاتی فڕۆكه‌وانی مه‌ده‌نی عێراق له‌سه‌ر راسپارده‌ی لیژنه‌ی ناوبراو و له‌چوارچێوه‌ی خۆپارێزی له په‌تای ڤایرۆسی كۆرۆنا covid19 گه‌شته ئاسمانییه‌كانی ناوخۆیی و ده‌ره‌كی راگرتبوو، ته‌نها رێگا به گه‌شتی فڕۆكه‌كانی كارگۆو و رێكخراوه فریاگوزارییه‌كان و تیمه‌كانی ته‌ندروستی ده‌درا.
کۆمێنت (0)
تا ئێستا هیچ کۆمێنتێک نەکراوە.