فازل حاجی گوته‌بێژی پۆلیسی هه‌ولێر ڕایگه‌یاند: كاتژمێر 7ی ئێواره‌ی ئه‌مڕۆ ڕووداوێكی هاتووچۆ ڕوویداو له ئاكامدا شۆفێری تاكسییه‌ك گیانی له‌ده‌ستدا.
ڕاشیگه‌یاند: ڕووداوه‌كه له ده‌روازه‌ی هیران سیتی له نێوان دوو ئۆتۆمبیل له جۆری توێتا ساڵۆنی تایبه‌ت و تاكسییه‌كدا ڕوویداوه و له ئه‌نجامیشدا شۆفێری تاكسییه‌كه گیانی له‌ده‌ستداوه.
ئاماژه‌ی به‌وه‌ش كرد لایه‌نی خه‌تابار شۆفێری تاكسییه‌كه بووه و له كاتێكدا ڕوویداوه كه تاكسییه‌كه ویستوویه‌تی له‌ڕێگای لاوه‌كییه‌وه بێته سه‌ر ڕێگای سه‌ره‌كی و پاشانیش خۆی به توێتا تایبه‌ته‌كه‌دا كێشاوه.
کۆمێنت (0)
تا ئێستا هیچ کۆمێنتێک نەکراوە.