ڤیدیۆ.. بارسێلۆنا بە دۆڕاندنەوە نازناوى خولى پله‌یه‌کی ئیسپانیاى لەدەستدا

له‌میانى به‌رێوه‌چوونى یارییه‌كانى گه‌ری 37 ى خولی پله‌یه‌كى ئیسپانیا ، شه‌وی رابردوو یانه‌ى بارسێلۆنا له‌یاری ئه‌م گه‌ڕه‌یدا له‌به‌رامبه‌ر ئۆساسۆنا دووچاری شكست هات

بارسێلۆنا لە یاریگاى کامپ نۆى تایبەت بەخۆى میوانداری ئۆساسۆنای كرد و دووچاری شكست هات له‌م یارییه‌ی دا به‌گۆلێك به‌رامبه‌ر دووگۆل بۆ ئۆساسۆنا 

گۆله‌كه‌ى بارسێلۆنا له‌خوله‌كى 62 ی تایمی دووه‌می یارییه‌كه‌ تۆمار كرا ، دووگۆله‌كه‌ى ئۆساسۆنا له‌خوله‌كه‌كانى 16 و 94 له‌لایه‌ن هه‌ریه‌ك له‌یاریزانان  خۆسى ئەرناێز و ڕۆبێرتۆ تۆرێسەوە تۆمارکران.

بەم ئەنجامەش بارسێلۆنا نازناوی لالیگای له‌ده‌ستدا و به‌ 79 خاڵ له‌پله‌ى دووه‌می ریزبه‌ندی خوله‌كه‌دایه‌ و به‌جیاوازی 7 خاڵ له‌دوای ریال مه‌دریدی پێشه‌نگه‌وه‌یه‌ كه‌ ریال مه‌دریدیش به‌براوه‌بوونى به‌سه‌ر گیاریال  نازناوه‌كه‌ى به‌ده‌ست هێنا و  ئۆساسۆناش بە 51 خاڵ لە پلەى 11دایە.