جێگری بەڕێوەبەری گشتیی تەندروستیی گەرمیان ڕاى ده‌گه‌یه‌نێت، لە كەلار دوو تووشبووی دیكه‌ى كۆرۆنا گیانیان لەدەست دا.
عەباس عەبدولعەزیز، جێگری بەڕێوەبەری گشتیی تەندروستیی گەرمیان، ڕايگەیاند: "ئەمڕۆ هەینی 17/7/2020، لە نەخۆشخانەی قەڵا لە كەلار كە تایبەتە بە چارەسەری تووشبوانی پەتای كۆرۆنا، دوو كەس گیانیان لەدەست دا".
گوتیشی: "ئەو دوو كەسەی كە ئەمڕۆ گیانیان لەدەست دا، یەكێكیان ئافرەتێكی تەمەن 65 ساڵ بوو، ئەوه‌ى دیكه‌یان ئەفسەرێكە بە پلەی نەقیب لە بەرێوەبەرایەتیی نەوت و گازی گەرمیان".
ژمارەی ئەو كەسانەی بە پەتای كۆرۆنا لە گەرمیان گیانیان لەدەست داوە، گەیشتە 49 كەس.
کۆمێنت (0)
تا ئێستا هیچ کۆمێنتێک نەکراوە.