ئه‌مڕۆ شه‌ممه حه‌سه‌ن روحانی، سه‌رۆكی ئێران له‌میانه‌ی كۆبوونه‌وه‌ی لێژنه‌ی باڵای نیشتمانی بۆ به‌ره‌نگاربونه‌وه‌ی كۆرۆنا،راپۆرتێكی له‌وه‌زاره‌تی ته‌ندروستی پێگه‌یشت كه‌تیایدا 25 ملیۆن ئێرانی تووشی ڤایرۆسی كۆرۆنا بوون.
هه‌روه‌ها روحانی گوتی: به‌گوێره‌ی راپۆرته‌كه 30 تا 35 ملیۆن ئێرانی ئه‌گه‌ری ئه‌وه‌یان هه‌یه تووشی په‌تاكه‌ببن.
گوتیشی: 500 كه‌س له‌نێوان هه‌ر هه‌زار تووشبوویه‌ك، نیشانه‌كانیان لێ به‌ده‌ر نه‌كه‌وتووه.
هه‌روه‌ها روحانی ئاماژه‌ی بۆ ئه‌مه‌ش كردووه كه له‌ماوه‌ی 150 رۆژی بڵاوبوونه‌وه‌ی ڤایرۆسه‌كه، نه‌خۆشخانه‌كان نزیكه‌ی 200 هه‌زار تووشبوویان وه‌رگرتووه و هۆشداریشدا له‌وه‌ی ئه‌م ژماره‌یه له‌ماوه‌كانی رابردوو زیاد ده‌كات و گوتیشی: پێویسته ئاماده‌بین بۆ خراپتر له‌وه‌ی له نه‌خۆشخانه‌كاندا هه‌یه.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.