مسته‌فا كازمی، سه‌رۆكوه‌زیرانی عێراق، له‌چوارچێوه‌ی هه‌ڵمه‌تی به‌ره‌نگاربوونه‌وه‌ی گه‌نده‌ڵی له ده‌روازه سنوورییه‌كاندا، گه‌یشته ده‌روازه‌ی سنووری زرباتییه له پارێزگای واست ناوه‌ڕاستی عێراق.
میدیاكانی خۆجێی بڵاویانكرده‌وه كه مسته‌فا كازمی گه‌یشتووه‌ته ده‌روازه‌ی زرباتییه له پارێزگای واست سنووری عێراق له‌گه‌ڵ ئێران.
به‌پێی میدیاكان، مسته‌فا كازمی له‌چوارچێوه‌ی هه‌ڵمه‌تی به‌ره‌نگاربوونه‌وه‌ی گه‌نده‌ڵی له ده‌روازه سنوورییه‌كاندا سه‌ردانی ده‌روازه‌ی زرباتییه‌ی كردووه.
هاوكات جێگری فه‌رمانده‌ی ئۆپه‌راسیۆنه هاوبه‌شه‌كانی عێراق، فه‌ریق روكن عه‌بدولئه‌میر شممه‌ری رایگه‌یاند : مسته‌فا كازمی،سه‌رۆك وه‌زیران و فه‌رمانده‌ی گشتیی هێزه چه‌كداره‌كان، له میانی سه‌ردانه‌كه‌ی بۆ ده‌روازه‌ی سنووری زرباتییه، فه‌رمانی به بوونی هێزه‌كانی سوپا له ده‌روازه‌كه‌دا داوه.
فه‌ریق روكن عه‌بدولئه‌میر شممه‌ری راشیگه‌یاند، له‌سه‌ر ئه‌و فه‌رمانه‌ی مسته‌فا كازمی، هێزه‌كانی سوپا له ده‌روازه‌ی سنووری زرباتییه بڵاوده‌كرێنه‌وه.
ژێده‌ر / AA
کۆمێنت (0)
تا ئێستا هیچ کۆمێنتێک نەکراوە.