قه‌حتان جه‌نابی: باڵیۆزی عێراق له سعوودیه رایگه‌یاند: عه‌لی عه‌بدولئه‌میر عه‌لاوی، جێگری سه‌رۆك وه‌زیران و وه‌زیری دارایی عێراق گه‌یشتۆته ریاز.
عه‌لاوی له‌لێدوانێكدا بۆ رۆژنامه‌ی شه‌رقولئه‌وسه‌ت گوتی: سه‌ردانه‌كه‌ی مسته‌فا كازمی،سه‌رۆك وه‌زیرانی عێراق بۆ سعوودیه ، بۆ په‌ره‌پێدانی په‌یوه‌ندییه‌كانی نێوان هه‌ردوولایه له هه‌موو بواره‌كاندا و هاوكات پته‌وكردنی په‌یوه‌ندییه‌كانیشه له‌گه‌ڵ وڵاتانی عه‌ره‌بی و دراوسێكانی.
گوتیشی:شاندێك به‌سه‌رۆكایه‌تی عه‌لی عه‌بدولئه‌میر عه‌لاوی، وه‌زیری دارایی عێراق دوێنێ بۆ ده‌ستپێكردنی گفتوگۆكانی ئه‌نجومه‌نی هه‌ماهه‌نگی سعوودیه- عێراق ، گه‌یشتوونه‌ته ریاز.
گوتیشی: كۆبووه‌كان تا ئه‌مڕۆ به‌رده‌وام ده‌بن .
شایانی باسه وا بڕیاره سبه‌ی دووشه‌ممه مسته‌فا كازمی، سه‌رۆك وه‌زیرانی عێراق سه‌ردانی سعوودیه بكات.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.