ئه‌نجومه‌نی دادگای باڵای عێراق ئه‌مڕۆ یه‌ك شه‌ممه رایگه‌یاندووه ، رێوشوێنی لێكۆڵینه‌وه‌كان له پرۆسه‌ی كوژرانی ئه‌بومه‌هدی موهه‌ندیس، سه‌رۆكی ده‌سته‌ی حه‌شدی شه‌عبی و قاسم سوله‌یمانی،فه‌رمانده‌ی فه‌یله‌قی قودس-ی سوپای پاسدارانی ئێران به‌رده‌وامه .
دادگای عێراق له راگه‌یه‌نراوێكیدا ده‌ڵێت: رێوشوێنه‌كانی لێكۆڵینه‌وه له رووداوه‌كه‌ی فڕۆكه‌خانه‌ی به‌غدا له سه‌ره‌تای كه‌وتنه‌وه‌ی رووداوه‌كه، ده‌ستی پێكردووه‌و دادگای عێراق وه‌ك ئه‌وه مامه‌ڵه‌ی له‌گه‌ڵ رووداوه‌كه كردووه، كه تاوانه‌كه له‌سه‌ر زه‌وی عێراق روویداوه‌و به‌شێك له قوربانییه‌كانیش عێراقین.
هه‌روه‌ها دادگا ده‌شڵێت: له‌گه‌ڵ وه‌زاره‌تی ده‌ره‌وه‌ی عێراق و ئه‌میندارییه‌تی ئه‌نجومه‌نی وه‌زیران سه‌باره‌ت به وورده‌كاری تری رووداوه‌كه قسه‌كراوه‌و رێوشوێنه‌كانی لێكۆڵینه‌وه‌ش له‌كاتی رووداوه‌كه‌داو تا ئێستا به‌رده‌وامی هه‌یه.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.