وه‌زاره‌تی پێشمه‌رگه‌ی حكومه‌تی هه‌رێمی كوردستان رایگه‌یاند: فه‌رمانده‌ی فه‌وجی 4ی لیوای 2ی پیاده‌ی وه‌زاره‌تی پێشمه‌رگه ،به‌هۆی نه‌خۆشییه‌كی كتوپڕه‌وه كۆچی دوایی كرد.
به گوێره‌ی هه‌واڵێكی ماڵپه‌ڕی وه‌زاره‌تی پێشمه‌رگه، سه‌رله‌به‌یانی ئه‌مڕۆ 19/7/2020 عه‌قید عادل بارام عه‌باس ، فه‌رمانده‌ی فه‌وجی 4ی لیوای 2ی پیاده‌ی وه‌زاره‌تی پێشمه‌رگه، به‌هۆی نه‌خۆشییه‌كی كتوپڕه‌وه كۆچی دوایی كردو ته‌رمه‌كه‌ی له گۆڕستانی كه‌سنه‌زان له هه‌ولێر به خاكی كوردستان سپێردرا.
هه‌روه‌ها وه‌زاره‌تی پێشمه‌رگه ده‌ڵێت: عه‌قید عادل بارام ، خه‌ڵكی ناوچه‌ی خورماتوی گه‌ره‌مسێری كوردستان بوو، كوڕی شه‌هید بوو، نزیكه‌ی 30 ساڵ بوو له ئه‌ركی پیرۆزی پێشمه‌رگایه‌تی دابوو ، كه‌سایه‌تییه‌كی خۆشه‌ویست بوو، به لێهاتویی و دڵسۆزی خۆی ببوو به فه‌رمانده‌یه‌كی دیارو چالاك .
ده‌شڵێت: عه‌قید عادل بارام ، رۆڵی به‌رچاوی له شه‌ڕو به‌رگرییه‌كانی دژ به تیرۆریستان و له پاراستنی قه‌واره‌ی هه‌رێمی كوردستان هه‌بوو.
کۆمێنت (0)
تا ئێستا هیچ کۆمێنتێک نەکراوە.